गुल्मी । नेपाली कांग्रेसका महामन्त्री गगन थापाले पूर्वराजा ज्ञानेन्द्र शाहलाई संघीय लोकतान्त्रिक गणतन्त्रविरुद्ध नलाग्न राजतन्त्र फर्किन्छ भनेर च्याँखे दाउ नथाप्न चेतावनी दिँदै खेल्ने भए खालमा आउन चुनौती दिएका छन् । नेपाली कांग्रेस गुल्मीको दोस्रो जिल्ला सम्मेलनलाई शनिबार तम्घासमा सम्बोधनको क्रममा महामन्त्री थापाले पूर्वराजा ज्ञानेन्द्रलाई पार्टी खोलेर चुनावमा आउन र संविधान संशोधन गर्न चुनौती दिएका हुन् । पछिल्ला केही दिन यता राजवादीको नाममा राजधानी लगायतका विभिन्न ठाउँमा प्रर्दशन भइरहेका छन् । यस्ता प्रर्दशनलाई लक्षित गर्दै महामन्त्री थापाले पूर्वराजालाई धर्मको आडमा राजनीति...